Cubao - sentro ng komersyalismo sa QC; isa sa pinakabusy na lugar sa Pilipinas. Nandiyan ang Farmers Plaza, Araneta Coliseum, Fiesta Carnival at mga terminal ng bus ng iba’t ibang probinsya mapaNorte man o Timog Luzon. Ngunit sa pagtakbo ng panahon unti-unting nawalan ng kinang ang ilang sikat na pasyalan sa lugar. Nalaos ang Farmers Plaza at inagaw ni Henry Sy ang trono sa pagkalat ng SM hindi lang sa buong Maynila kundi sa buong bansa. Ang Fiesta Carnival na dating patok na patok sa mga bata ay unti-unting nakalimutan ng umusbong ang iba’t ibang amusement park katulad ng Star City and Boom na Boom sa Pasay at Enchanted Kingdom sa Laguna. Ang Araneta Coliseum bagamat sikat pa rin sa ngayon ay marami na ring katunggali na matatagpuan sa iba’t ibang sulok ng Kamaynilaan. Sa paglipas ng panahon tila ba napabayaan ang Cubao at ang ginampanan nito sa kasaysayan. Maraming maunlad na negosyo sa Cubao na ngayon ay hindi mo na matatagpuan.Parte ng aking kabataan ang Cubao. Kapitbahay lang kasi namin ito dati. Ngayon tuwing nagagawi ako sa Cubao, namimiss ko ang dating Fiesta Carnival at ang Smokeys along Araneta Avenue. Bagamat meron pa rin namang Fiesta Carnival hindi na ito tulad ng dati. Kasi outdoor na sya at sobrang maliliit lang o baka naman maliliit lang talaga yung Fiesta Carnival dati bata pa kasi ako noon kaya parang lahat ng bagay ang laki-laki. Ngayon ata Cubao Expo na eh. Hindi ko lang gano sure kasi hindi ko pa napapasok yung loob. Samantalang yung Smokeys mukhang nilamon na rin ng smoke. Dinemolish ng tuluyan.
Ngayong 21st century, naisipan naman ng pamahalaan na irehabilitate ang dating kinang ng Cubao. Nandyan na ang Gateway Mall, meron na ring mga Call Center sa paligid, may pinapatayong hotel na hindi mukhang chipannga at ang paligid na Araneta abay ang sosyal lalo na sa gabi. Sana nga magtutuloy-tuloy na ang muling pagbangon ng komersyalismo sa Cubao para makapagproduce ng trabaho sa mga Pilipino at mabawasan na rin ang nagaabang na lang na may magwithdraw sa ATM, susundan, hahanap ng tamang tyempo, tapos tututukan ng kutsilyo. Ouch! San si Concencia? Kilala pa kaya nila?
Photo courtesy of Yahoo Images: The Araneta Center
1 Speak:
Wow Rej, ang ganda ng pagkagawa! Napuntahan ko na rin ang Cubao nung 80s pero hindi ko na matandaan ang lugar. Pano, isang araw lang ako namasyal dun.
Post a Comment