Unang Post sa Taong 2009

Nitong mga nakaraang araw, alam ko sa sarili ko kung ano ang dapat maging top priority ko. At yun ay ang maghanap ng trabaho. Ngunit ewan ko ba kung bakit hindi ko magawagawa ang simpleng bagay na ito. Basta parati ko na lang natatagpuan ang sarili ko na nagbabasa ng aking blog/s. Hanggang sa hindi ko namamalayan ay gumagawa na pala ako ng bagong post. Halos araw-araw may bago akong pinagkakaabalahan na tila ba di naman ako napapagod. Ganun siguro talaga pag gusto mo ang ginagawa mol. Sa totoo lang excited ako pag may biglang ideya na pumasok sa isip ko – ideya ng bagong topic na gusto kong ibahagi. Bagamat di ko naman pinagsisisihan ang pagkakaroon ng mga bagong likha, alam ko na dapat pagtuunan ko rin ng pansin ang pagbubukas ng website na may mga job hiring. Sana lang talaga magkatrabaho na ko ngayon. Paminsan minsan kasi parang nawawala na naman ako sa tamang ulirat. Buti na lang ano man ang mangyari buo pa rin ang tiwala ng pamilya ko lalong lalo na ang aking mga magulang. At sympre anjan si Papa Jesus. Puno siguro ng poot ang sinusulat ko ngayon dito kung hindi matatag ang paniniwala k okay Lord. Talaga nga naming napakalaking bagay ang pagkakaroon ng Diyos at pananalig sa kanya. Dahil dito, nananatili akong positibo sa buhay, Sabi nga ni Bro Bo Sanchez noong nakaraang Linggo “In every trial there is a hidden blessing.”

Oops! Gabi na pala, este umaga na. Post pa rin ng post. :)